بالی ووڈ اداکار کارتک آرین اور اداکارہ کریتی سینن کی فلم ’ شہزادہ ‘ باکس آفس پر فلاپ ثابت ہوئی۔ فلم’شہزادہ‘ باکس آفس پر چار دنوں میں صرف 22 کروڑ کما پائی ہے۔یہ فلم حال ہی میں ریلیز ہوئی ہے۔

پروڈیوسر اور اداکار کو اس فلم سے بہت امیدیں تھیں۔ اگر باکس آفس کی کمائی پر نظر ڈالی جائے تو یہ فلم کچھ خاص نہیں دکھا پائی ہے۔ فلم ’ شہزادہ ‘ باکس آفس پر فلاپ ہوگئی۔ اس وقت شاہ رخ خان کی ’ پٹھان‘ 15 دن بعد بھی اپنے عروج پر ہے ، تاہم دیگر فلمیں بھی اس فلم کے سامنے جھک چکی ہیں۔

فلم’ شہزادہ‘ کی شروعات سست رہی لیکن اس کے بعد بھی کمائی کا اعداد و شمار نہیں بڑھ سکا۔ فلم نے ریلیز کے پہلے دن 6 کروڑ کی کمائی کی۔ اس کے بعد فلم نے دوسرے دن 6.65 کروڑ اور تیسرے دن 7 کروڑ کا بزنس کیا۔ تاہم فلم کو چوتھے دن بڑا جھٹکا لگا ہے۔ پیر کو فلم کی کمائی میں بڑی کمی آئی ہے۔ فلم نے پہلے ہفتے میں صرف 2.6 کروڑ روپے کمائے ہیں۔

فلم اپنی ریلیز کے چار دنوں میں صرف 22 کروڑ روپے کما سکی۔ تو دنیا بھر کے باکس آفس پر بھی یہی صورتحال دیکھی جا رہی ہے۔ فلم نے دنیا بھر میں 27 کروڑ کی کمائی ہی کی ہے۔ مجموعی طور پر کارتک کی فلم’ شہزادہ ‘ کچھ خاص کمائی نہیں کر پائی ہے۔