رانی مکھرجی کی آنے والی فلم ’ مسز چٹرجی ورسیز ناروے‘ کی ریلیز کی تاریخ فلم سازوں نے تصدیق کر دی ہے۔ فلم اگلے سال 3 مارچ کو ریلیز ہوگی۔ فلم کی ریلیز کی تاریخ کے ساتھ ہی رانی مکھرجی کا فلم کا پہلا لک بھی جاری کردیا گیا ہے ، جس میں اداکارہ سوٹ پہنے ، بالوں کو بندھے ، ماتھے پر سندور، کانوں میں بوندی اور گلے میں زنجیر پہنے نظر آرہی ہیں۔ اس کے ساتھ انہوں نے ہاتھ میں ٹیڈی بیئر بھی پکڑ رکھا ہے۔

سچے واقعہ پر مبنی اس فلم کی کہانی ایک قوم کے خلاف ماں کی جدوجہد کی ان کہی کہانی کو دکھایا جائے گا۔ فلم کی کہانی ایک ہندوستانی جوڑے کی سچی کہانی پر مبنی ہے جس کے بچے کو 2011 میں نارویجن ویلفیئر سروس نے چھین لیا تھا۔ فلم میں رانی مکھرجی کے علاوہ کرسٹجن اکسکولا ، ایرکی لارے اور کیرول ٹام اہم کرداروں میں نظر آئیں گی۔ آشیما چھیبر کی ہدایت کاری میں بننے والی یہ فلم دنیا بھر کی تمام ماو¿ں کے لیے وقف ہے۔ اس فلم کو نکیل اڈوانی ، منیشا اڈوانی اور مدھو بھوجانی پروڈیوس کررہے ہیں اور یہ 3 مارچ 2023 کو ریلیز ہوگی۔