معاشرے کو بامعنی خوشحالی کی راہ پر گامزن کرنے میں خصوصی تعاون کے لیے اعزاز سے نوازا گیا

فلم ’متھیلا مکھان‘ کے پروڈیوس کرنے پر پہلے مل چکا ہے باوقار قومی ایوارڈ

نئی دہلی، 22 دسمبر (انڈیا نیریٹو)

پرسار بھارتی کے ڈیجیٹل ونگ – پی بی این ایس کے سربراہ سمیر کمار کو ’’لوک نائک جے پرکاش ایوارڈ‘‘ سے نوازا گیا ہے۔ انہیں یہ ایوارڈ نیشنل یوتھ ٹیلنٹ ایوارڈ کے زمرے میں ملا ہے۔ سمیر کمار مختلف عہدوں پر مجموعی طور پر 14-13 سال تک بڑے پردوں پر کام کرنے کے بعد کچھ الگ کر گزرنے کی مضبوط قوت ارادی سے ملک واپس آئے ہیں۔ وہ زراعت، صحت کی دیکھ بھال، تعلیم، میڈیا کے شعبوں میں کئی اسٹارٹ اپس میں مشیر اور سرمایہ کار بھی رہے ہیں۔ انہیں فلم ’’متھیلا مکھان‘‘ پروڈیوس کرنے پر باوقار قومی ایوارڈ مل چکا ہے۔

لوک نائک جے پرکاش نیشنل آرٹ اینڈ کلچر فاؤنڈیشن اور لوک نائک جے پرکاش انٹرنیشنل اسٹڈی ڈیولپمنٹ سینٹر کے مشترکہ زیراہتمام بدھ کو دہلی کے انڈیا انٹرنیشنل سینٹر میں لوک نائک نیشنل اسمرتی سمان تقریب کا انعقاد کیا گیا۔ اس ایوارڈ کا مقصد معاشرے کی ان شخصیات کو اعزاز بخشنا ہے جنہوں نے معاشرے کو بامعنی خوشحالی کی راہ پر گامزن کرنے میں خصوصی کردار ادا کیا ہے۔ اسی مقصد سے آج مشہور فنکار، ماہر تعلیم، موسیقار، فلم ساز، آرٹسٹ، مجسمہ ساز، انتظامی افسر، سماجی کارکن، صحافی اور ڈرامہ نگاری وغیرہ جیسے مختلف شعبوں سے وابستہ شخصیات کو اعزاز سے نوازا گیا ہے۔

اس پروگرام کے ذریعے ان ممتاز شخصیات کا اعزاز دینا جو اپنے انمول علم اور تجربات سے معاشرے کو مالا مال کر رہے ہیں

لوک نائک جے پرکاش نیشنل آرٹ اینڈ کلچر فاؤنڈیشن کے قومی جنرل سکریٹری اروند اوجھا نے کہا کہ اس پروگرام کے ذریعے ان ممتاز شخصیات کا اعزاز دینا جو اپنے انمول علم اور تجربات سے معاشرے کو مالا مال کر رہے ہیں نوجوان نسل کے لیے ایک تحریک ہے۔

یہ نہ صرف خاص لوگوں کا احترام ہے، بلکہ آنے والی نسل کو شاندار روایت اور ثقافت سے روشناس کرانا بھی ہے

تنظیم کے قومی سکریٹری اور دہلی یونیورسٹی کے سنسکرت شعبہ کے پروفیسر دیا شنکر تیواری نے بتایا کہ یہ نہ صرف خاص لوگوں کا احترام ہے، بلکہ آنے والی نسل کو شاندار روایت اور ثقافت سے روشناس کرانا بھی ہے۔ تنظیم کے صدر، سینئر ادیب اور سابق آئی اے ایس ہیمنت شیش نے تمام منتخب معزز افراد کو مبارکباد دی۔

ان اعزازات سے نوازا گیا

تقریب میں فنکار اور مفکر پدم شری کپل تیواری کو سنسکرت شیکھر سمان اور ہم عصر پینٹر ارپنا کور کو کلا رتن ایوارڈ دیا گیا۔ اس کے علاوہ پروفیسر سچیدانند مشرا کو تعلیمی اعزاز، اڈیشہ کے سابق ڈائریکٹر جنرل آف پولیس رائیٹر ارون کمار اپادھیائے کو ادب اور فلسفہ ایوارڈ، آرٹ کنزرویشن اینڈ پروموشن ایوارڈ بہار میوزیم کے ڈائریکٹر جنرل انجنی کمار سنگھ کو، کلا سنسکرت سموردھن اعزاز مدھیہ پردیش کے استاد علاؤالدین خان سنگیت اکیڈمی کے ڈپٹی ڈائریکٹر راہل رستوگی کو ، کلا سنسکرت تحریری اعزاز سینئر مصنف اور سابق کامرس کمشنر نرمدا پرساد اپادھیائے اور آلوک پراڑکر کو دیا گیا۔

اس کے علاوہ بھارت ناٹیم کی مشہور ڈانسر پریہ وینکٹا رمن کو سنگیت اعزاز، بصری فنون میں گوا میوزیم کے ڈائریکٹر سبودھ کیرکر، لوک نائک یش اعزاز شملہ کے پولیس آئی جی جئے پرکاش سنگھ کو، لوک کلا ایوارڈ اتر پردیش کے کوہبر آرٹ کے سینئر پینٹر رام شبد سنگھ کو، لوک نائک وششٹ کنٹری بیوشن اعزاز چندی گڑھ یونیورسٹی کے یوتھ ویلفیئر ونگ کے ڈائریکٹر ڈاکٹر اروند سنگھ کانگ کو، پرفارمنگ آرٹس اعزاز اوڈیشہ کی نوجوان ڈرامہ نگار اور اداکار نلنی نہار نائک کو دیا گیا ہے۔

تقریب میں چیف گیسٹ کے طور پر لوک سبھا اسپیکر اوم بڑلا، اسپیشل گیسٹ کے طور پر مرکزی وزیر مملکت برائے تجارت پنکج چودھری، مہمان اعزازی کے طور پر پدم وبھوشن ڈاکٹر سونل مان سنگھ، پدم شری شونا نارائن اور موجودہ سکریٹری برائے امور صارفین روہت سنگھ کو مدعو کیا گیا تھا۔