Urdu News

پی ٹی آئی کو کمزور کرنے کیلئے اسٹیبلشمنٹ ‘سیاسی انجینئرنگ’ میں ملوث ہے عمران خان

پاکستان کے سابق وزیر اعظم عمران خان

 لاہور۔ 9؍ جنوری(انڈیا نیریٹو)

پاکستان کے سابق وزیر اعظم عمران خان نے الزام لگایا ہے کہ اسٹیبلشمنٹ “سیاسی انجینئرنگ” میں ملوث ہے تاکہ ان کی پاکستان تحریک انصاف  کو ملک میں “کمزور” حکومت بنائے اور مزید کہا کہ  ملک میں “سیاسی انجینئرنگ” ابھی بھی جاری ہے۔

 پاکستانی میڈیا نے عمران خان کے حوالے سے کہا کہ “بدقسمتی سے، ہم نے ماضی سے کوئی سبق نہیں سیکھا کیونکہ ابھی سیاسی انجینئرنگ جاری ہے۔ ایم کیو ایم کو ضم کیا جا رہا ہے، بی اے پی کو پیپلز پارٹی میں دھکیلا جا رہا ہے، اور جنوبی پنجاب میں پیپلز پارٹی کو مضبوط کرنے کی کوششیں کی جا رہی ہیں”۔

  پی ٹی آئی چیئرمین عمران خان نے دعویٰ کیا کہ اسٹیبلشمنٹ پنجاب میں لیگ کو اقتدار میں لانے کی کوشش کر رہی ہے۔  کرکٹر سے سیاست دان بنے  عمران خان  نے مزید کہا کہ خیبر پختونخواہ میں پی ٹی آئی کو نقصان پہنچانے کے لیے “اسی طرح کا کھیل” جاری ہے۔

عمران خان نے ملک میں موجودہ بحران کا ذمہ دار سابق آرمی چیف جنرل (ر( قمر جاوید باجوہ کو قرار دیا ہے۔

انہوں نے کہا کہ پاکستان کو عالمی ڈونر ایجنسیوں سے بیل آؤٹ پیکج حاصل کرنے کے لیے قومی سلامتی کے حوالے سے “بھاری قیمت” ادا کرنے پر مجبور کیا جائے گا۔

انہوں نے کہا کہ ہر کوئی جانتا ہے کہ وہ کون تھا جس کے فیصلے نے ملک کو اس بحران میں دھکیل دیا۔ اس  بحران کے پیچھے جنرل باجوہ کا ہاتھ ہے۔ اپنے خطاب میں پاکستان کے سابق وزیر اعظم عمران خان نے کہا کہ انہوں نے پہلے ہی موجودہ معاشی بحران کی پیش گوئی کی تھی۔

 تاہم پاکستان کی صورتحال کا سری لنکا سے موازنہ کرنے پر انہیں تنقید کا نشانہ بنایا گیا اور غدار کہا گیا۔  انہوں نے الزام لگایا کہ شریف اور زرداری خاندان 1990 کی دہائی سے پاکستان کو لوٹ رہے ہیں۔

 پاکستان کے مسائل کے حل کا واحد حل آزادانہ اور منصفانہ انتخابات ہیں۔ عمران خان نے کہا کہ “میں جانتا ہوں کہ ایسا ہونا ہی ہے کیونکہ میں ان دو خاندانوں – شریف اور زرداری کو جانتا ہوں – جو 1990 کی دہائی سے ملک کو لوٹ رہے ہیں اور ایک دوسرے کو چور کہتے ہیں”۔

Recommended